| 尋晚同大家試完條快叉cable，雖然證實真係叉得快咗，但係用電腦USB叉電，就算條cable做咗咩手腳，都唔會夠用真正叉機叉得快㗎喇。不過，而家個個隨身都有幾部機要叉，就算用拖板，要插咁多個叉機都煩啦，所以又有個叫做noontec嘅新牌子，推出呢個叫做Powa HUB嘅1開5充電器，最啱去旅行用！ | |
| |
| noontec Powa HUB真係成個hub咁款，不過唔係駁電腦，係經電源線直接插插蘇。咁叉法，一般分插實會分薄晒啲電力，搞到叉得勁慢，但係呢個Powa HUB因為有50W（5V 10A）嘅輸出功率，所以廠方話每個USB插頭平均分到2.1A輸出率。若然你真係要同時間叉5部機，用Powa HUB嘅速度，雖然唔會等如用5個叉機叉，不過至少都同用5個尿袋分開叉嘅時間差唔多，唔使等死人。 如果你唔需要同時間叉晒5部機，就仲可以發掘到Powa HUB多一個優點。事關佢具備ChargeSmart智能識別技術，識偵測你駁住部機最多能夠接受幾多A輸入，就將自己剩餘嘅輸出A數量，摸頂谷去畀呢部機，加快叉電速度。我用HTC Desire Eye手機嚟做測試，經Powa HUB叉電（只駁住佢一部機），比插普通叉機叉大約分50分鐘左右，就算唔係吓吓要叉5部機都有用喎！ | |
| |
| noontec Powa HUB 售價：$499 輸入電壓：100-240V 輸出電壓：5V 10A 功率：50W 體積：94.5x60x26.5mm 重量：148g 電源線長：1.2m 查詢：Good Century 3619 6500 | |
