| 放心，唔係叫你做娘娘啲兵，亦唔係叫你做毒品「冰」(唔好呀！犯法架！)，而係叫大家學識點整威士忌嘅冰！就憑文青僅有對威士忌嘅知識，都知道一杯「Whisky On Rock」，粒「Rock(即係舊冰)」理論上應該係成個波咁，而且個波仲應該要用手鑿出黎！之但係你話鑿個波冇咩新意，邊襯得起我呢啲新世代型男？咁鑿個自由神像，又或者金閣寺出黎你又點睇？ | |
| |
唔好講威士忌啦，舊冰型到咁，你飲緊可樂都殺死女啦！但好抱歉，呢啲冰你有錢都買唔到！因為呢個其實係廣告公司TBWA\Hakuhodo為日本三得利(Suntory)所設計嘅硬照廣告。利用一個叫「CNC Router(唔係上網嗰啲)」嘅特別儀器，造出以各地名勝及其他雜七雜八(對唔住，我真係搵唔到個共通點)嘢為主題嘅冰雕。 即係如果你真係咁想自己整，可以自己用Autocad畫圖＜再用600美金~150000美金不等買返部CNC ROUTER慢慢雕。又順帶一提，Suntory為咗雕刻時唔會整融啲冰，仲特登將部機雪到零下七度，換言之你可能要買埋個雪房先做得到啦！ | |
