| 「F6」者，「水平對向六缸引擎(Flat 6)」之簡稱也，亦即係Porsche旗下最著名車款911所使用嘅引擎。作為氣冷引擎，本身散熱效果就不及水冷引擎；而911引擎是在車尾，更加有礙引擎進風；再加上911乃係高性能跑車，對引擎表現嘅要求就更為嚴謹。面對種種不利條件，Porsche嘅堅持(由1964年初代911到1998年停產嘅993，都係使用氣冷F6，之後型號先改用水冷F6)就變得非常難得，咁又難怪有Fans會迷上呢款引擎，仲迷到自己砌咗個出黎添！ | |
| |
| 呢位來自德國嘅Porsche粉絲，用咗超過6000小時，根據Porsche原廠藍圖打造呢台F6。要花費咁多時間嘅原因，係因為佢造嘅只係一個1:3.2嘅縮小版，換言之所有零件都要由零做起。最後嘅成品就係呢台擺得入手提行李、有成大拿拿8匹馬力、最高去到12,000轉嘅小引擎！ | |
| 咪先，縮小引擎、由零打造，點解呢個題材咁熟口熟面咁嘅？冇錯，個令月前我哋都同大家介紹過由西班牙退休海軍工程師「Patelo」打造嘅縮小版W32。個人覺得呢台F6個樣雖然冇咁精緻，但係佢把聲就好好多啦！ |
