| 香港機場話起第三條跑道以滿足客機升降要求，日本成田機埸都啱啱開咗個第三客運大樓專門(Terminal 3，簡稱T3) 比廉航使用。以後如果你坐Vanilla, Jeju或者Jetstar等廉航去日本，就會喺呢個坐擁日本機埸內最大Food Court、而及成田內最大免稅購買區嘅新大樓落機啦！ | |
| |
| 由於專門比廉航使用，收費亦比一般平一半，所以成田T3嘅設計就一切從簡。唔單止天花板嘅管道、結構刻意暴露，整體內部亦無多餘嘅裝飾，放眼過去基本上就一片白色。為咗點綴呢個白到有啲過份嘅空間，成田特意挑選咗日本著名家居用品品牌「無印良品」為T3提供色彩鮮明嘅沙發。至於Food Court嘅位置就用上橡木桌椅，維持簡單風格之餘仲多咗份溫暖感！ | |
| |
| 阿Q啲諗，既然香港條三跑都起硬乜滯，與其爭取佢唔起，不如爭取佢仿傚成田機場，起用本土品牌做裝飾，起馬人家一黎到香港都見識到啲香港味道嘛！你問咩設計先算有本土特色？唔……唔啱啲櫈全部都係奶粉罐黎，有冇得諗？ |
