成日話得閒「炒飯」得閒「炒飯」，先生，臨瞓炒完朝早番工前又炒，好傷㗎！

唔係話偏見，10個男人，至少過半都鐘意食炒飯，Mean娜係女仔，可能永遠都唔會明點解。

問吓MenClub啲男同事啦，原來話貪炒飯有炒蛋喎。哦！咁即係話，想炒飯炒得叻，都要學埋炒蛋啦，咁係唔係等如，學飲酒，要學埋食煙呢？成個package嘛！

有某篇港式茶記嘅潮文話，「服務態度差到咁，仲大把人去食，都係貪佢啲蛋炒得滑之嘛！」而家逢星期日，牡丹樓全日都供應賭神全餐，大家除咗Like佢塊薯餅，你估真係Buy佢嗰兩塊乾到裂嘅烘鬆 餅咩，咪又係為個炒蛋。（拿！牡丹樓嘅炒蛋質素可升可跌，探子回報話呢期灣仔電腦城樓下間分店啲炒蛋好得）

得閒時，Honey陪你炒飯，練完「夫妻功」，你咪炒返粒蛋慰妻囉，都好應該啫。

煮法篇
-好多人以為炒隻蛋，兜兩兜就搞掂，但其實你嘅煮法，好影響蛋的質素。

秘技1︰將空氣打入蛋漿
打蛋時，盡量將空氣打入蛋漿，使蛋漿膨脹，成為充滿氣泡的蛋糊，容易產生鬆軟香滑的口感。

秘技2︰細火慢慢推炒
炒滑蛋最忌心急，除非你手勢好好，否則勿用大火炒，一用大火，蛋好老身，到時你又嫌人哋唔滑溜嘞。

材料篇

-好多人以為炒蛋要夠滑，就要落好多油，但其實加太多油，反而太油膩，唔好味。

秘技1︰加牛奶/忌廉
好多人都聽過，炒蛋時加入牛奶或忌廉，可令炒蛋又滑又香。無錯！不過，記得係打蛋時已要加入，唔係一邊炒一邊加，切記！

秘技3︰加生粉水
打蛋時，在蛋漿內加少許生粉水再攪勻，就可以鎖住蛋漿，保持炒蛋綿滑質感。