近日曼城球員文迪(Benjamin Mendy)因性侵目前正被關押，但唔知係個名定係個樣太似，搞到另外兩名球員不滿及暴怒，兩位球員分別係文迪及文迪。

上面提到嘅兩位被文迪影響嘅文迪s，分別係車路士門將文迪(Edouard Mendy)及皇馬球員文迪(Ferland Mendy)，事關兩位唔關事嘅文迪s竟然被部份媒體點錯相，將佢地嘅相片用於被關押中嘅文迪性侵案新聞中，所以二人都感到非常憤怒，並難以接受。

雖然三人個名都有Mendy，而外貌黎講都有幾分相似，但其中車路士嘅文迪係塞內加爾國籍，而另外兩位文迪國籍則係法國。對此車路士文迪直言，而家都2021年，但無論係法國定係英國，黑人都無唔同嘅文字及樣貌，佢覺得呢個現況非常可悲，就算你分唔到個樣，應該都識分波衫掛。

而皇馬文迪就表示，希望外界可以尊重佢地，就算對方是否鍾意自己。