好多時都聽到女性朋友呻，自己男朋友一啲都唔體貼，呢樣又唔識，嗰樣又唔曉，真係一啲都不能夠氹人歡喜，仲弱過藍罐曲奇。

但係問返男方，其實佢哋都好無辜辜，唔係佢哋唔肯做，而係唔知點做先滿足到女友。自問乜都聽晒女朋友話，都仲要畀人話唔體貼，佢都好無奈。

老老實實，女人心目中的體貼，唔係要你聽晒佢話，而係要你自發地以佢為先，處處呵護佢，保護佢。即係點？就好似以下幾點咁。

1. 幫佢開門

無論車門、店門定係家門，乜門都好，只要你幫佢開，就代表你的風度同埋細心。女仔唔夠力，開個門可能都有難度，呢個時候你幫佢開門，就係幫佢解決困難，夠晒貼心。

2. 同對方分享食物

男人唔餓得，一有食物就即時清晒佢就算。其實如果你可以同女友分享食物，例如食之前問佢要唔要試吓，已經好加分，令佢覺得，你心入面真係有佢，凡事都有諗過佢，連食個嘢，你都要顧及佢，夠晒愛啦！

3. 愛屋及烏

除咗愛自己女友，對方其實都希望你會愛佢所愛的。如果你願意為她，克服不安去拜訪佢家人，甚至同佢家人傾吓偈；又或者願意陪佢去出席朋友活動，盡力融入佢朋友當中，佢都會覺得好感動。

4. 陪女友睇佢喜歡的電影

好多男人都唔鍾意陪女友睇佢愛的電影，因為好多女性都鍾意睇愛情、童話等題材，試問喜愛打打殺殺的男人，見到懶浪漫的情節，邊會睇得上眼。不過，如果你肯花時間，陪女友一齊睇，佢會覺得好Warm，覺得你願意了解佢的世界。

5.行路時讓女友企內側

通常人們的感覺，都覺得道路內側係安全啲，起碼如果有架車炒埋嚟，都撞出面個人先。所以呢個行為，可以表達一種保護的感覺，令女仔安心又感動。