好多男士都覺得女朋友成日無啦啦屈自己，例如出街眼神咁啱掃過條女，女友就誓要屈你特登望女仔；又例如你唔記閒覆短訊，女友又要屈你唔理佢唔愛佢……其實男女大不同就係人都知，不過當女人要求男人了解自己的同時，有幾多個女人同樣會去探討男人心呢？

日本《Pairs》就針對1619名未婚男性作調查，票選佢哋最希望女友能理解的5件事。又睇吓能唔能夠講出你的心聲？

唔係冇品嘗，而係唔想花太多時間食飯

女朋友辛辛苦苦煮餐飯你食，除咗希望男友可以細細品嚐佢的廚藝，都希望佢可以讚自己幾句，就會覺得再辛苦都值得。不過男人就未必咁諗，佢哋覺得食到乾乾淨淨已經對得住女朋友，食完個飯就要做其他嘢，真係唔會花個幾鐘時間，慢慢試你餐飯落咗咩調味料。

決定好買咩先再出門購物好嗎？
好多女仔出門買嘢，都係隨心所欲，睇吓行過鍾意咩，就買咩，呢啲就係女人Shopping的樂趣。但男人買嘢時，真係唔會花咁多時間，慢慢睇，而係會有目的地購物，買完就算。

已讀不回唔代表真係唔想回，而係唔知點應你好
女仔講嘢好鍾意兜圈，就好似猜謎咁，有時女友傳一句「今日天氣好好」，男仔就會諗，哦，咁我要應啲咩，諗諗吓，就已經畀人鬧你，做咩咁耐唔覆佢。

會偷瞄別的女生
其實女仔都會睇男仔，望吓啫，冇咩特別諗法同企圖，真係唔好咁多心。

兩人一起的時間很重要，但希望有一個人的時間
好多女仔覺得男仔要私人時間，即係對厭自己。其實62%以上男生表示，同自己愛人一齊係好重要，不過都希望有自己獨處的時間，做自己有興趣的事。