有好多識得本文青嘅朋友都同我講，自從開始睇MenClub，個人唔單止著衫有品味咗、又識食咗、個人又潮咗，真係每日都學到好多嘢咁話。而其中最受歡近嘅就係每晚入夜之後嘅成人教育，話文青帶佢哋學哂音樂、宗教、時事、生物、物理、美食等等等等多個範圍，希望可以再學多啲嘢喎！

冇問題，今次文青教埋你日文「体育座り」讀音：ta i i ku su wa ri！大家跟住一齊讀～黎預備起！

所謂「体育座り」，其實係指日本學童喺上體育堂時，坐喺地下聽老師講嘢時嘅坐姿，具體啲黎講就即係抱膝坐，喺關西地方又稱為「三角座」。據聞係因為避免學生長期站立導致貧血暈倒而採用。總而言之就係一個正常都唔正常、普通過普通嘅坐法。

但呢個世界有好多嘢，重要嘅唔係「點樣做」，而係「邊個做」。即係謝安琪BB著校服，私煙BB又著校服喎，效果都好唔同啦！而「体育座」呢個既純真、又有益身心嘅動作由其他人做出黎，成件事就唔同哂……