「隔離屋飯香(英文版：The grass is alway greener on the other side)」基本上係每一個香港男人對於女性嘅睇法。具體啲，即係你會覺得自己拖住呢個，唔夠喺條街到見到嗰啲正；喺條街到見到嗰啲，又唔夠喺網上面見到嗰啲正；網上面見到嗰啲，又唔夠對面海(唔鬼係香港島，係台灣、日本)嗰啲正。

問題係，好多時正唔正呢家嘢其實都係自己幻想出黎。即係你見到FB啲台妹勁大波、勁性感，你會期望成個台灣一街都係性感大波妹任君選擇(咁喺某啲時間同地區又唔可以話你錯嘅)；又或者你睇好多日本生物學教育短片，就覺得所有日本女仔都好隨便。但如果你當真，咁少年你就真係太年輕了。其實日本妹嘅吸引力又點止會係佢哋嘅動作場面呢？睇咗以下呢段由台灣「不要鬧工作室」拍嘅短片，你就知日本妹嘅魅力喺邊！

咩都唔好理，淨係佢講得出呢句嘢就加100分啦！

根據片中呢位識講中文嘅「兵頭(Hyodo)」妹妹，日本女生會想辦法滿足男朋友嘅需要－－唔Q係你諗緊嘅嗰種「需要」，而係指照顧你嘅日常所需。例如食飯會幫手開枱、知道男朋友做緊嘢唔會打擾、肚餓仲識自己買飯食(唔好笑，呢樣小學生都應該要識做嘅嘢，好多港女係唔識架)等等。簡單啲黎講就即係唔會陀手褦腳，成為累贅。