是咪正嘢？

但潮流呢家嘢真係估佢唔到，就好似以前興瘦猛猛，而家興微胖女。原來有腹肌的男人都Outdated，今期最Hit嘅，唔係胸肌，唔係腹肌，唔係人魚線，而係你下面嗰個……（係呀，望吓你下面）啤酒肚呀！！！

咪以為啤酒肚冇Market，近日Instagram有個Account非常受歡迎，咩Account？就係由美國Clemson University的大二生Mackenzie Pearson創立的College Dad Bods帳號。

College Dad Bods到目前為止已經有15.6k人Follow。College Dad Bods有啲乜？就係有海量的啤酒肚肉照。

根據英國《每日郵報》報導， Pearson表示，女性會迷戀「啤酒肚」其實唔係冇原因。因為啤酒肚畀人感覺冇攻擊性，反而有種安全感；加上有啤酒肚的男士，唔會令身邊女性對自己身材有壓力，所以啤酒肚男都有一定市場，各位男士們，唔好為咗個肚腩而氣餒呀，光明的前途等緊你哋架！