文:MenClub 魏文青  
POSTED ON February 03, 2023 6:00 pm

日本壽司郎近日因一宗「17歲高中生口水惡作劇」事件而令股價大跌,市值曾一度蒸發10億港紙,更有人影到平時人山人海嘅分店竟然要拍烏蠅,令呢間「國民迴轉壽司」陷入危機。日前日本Twitter就瘋傳一條台灣網紅「G_Lobster1931」嘅低胸食壽司影片,笑稱要靠佢拯救整個迴轉壽司業;但所謂求人不如求己,日本民眾近日自發「拯救壽司郎」行動,呼籲大家去食壽司!

呢個「拯救壽司郎 (スシローを救いたい)」行動,簡單黎講就係呼籲大家主動去幫襯壽司郎,以挽救呢間「國民迴轉壽司」,其中參與嘅更不乏名人及網紅,例如著名魔術師「マジシャン先生【KENTO】」,經常拍攝「家長指引」級別影片嘅YouTuber「拉斐爾 (ラファエル【Raphael】)」、有71萬追蹤嘅心理學家「メンタリストDaiGo (@Mentalist_DaiGo)」等。

當中有唔少人都提到,壽司郎係佢哋嘅童年回憶之一,甚至人生第一份工就係喺壽司郎都做,所以絕對唔想見到佢消失。

而壽司郎除咗用官方Twitter四出留言感戲大家支持之外,亦以社長新居耕平之名發文,表示非常感謝大家嘅應援,佢實在感動到喊。同時佢亦保證,壽司郎會為咗令大家可以安心享用壽司而努力。

29 Aug 2025
HOBBY
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。