各位巴打手提的待機畫面係用咩圖？你哋又會唔會特登搵圖就係For手提用？唔好以為自己部機用咩圖真係唔關人事，完全可以按自己喜好。其實女孩子除了會觀察你的衣著打扮，一樣會睇埋你部機，特別係用咩相做Wallpaper、待機畫面等等，把口唔講，內心實情超Care，就憑你手提用咩圖，已經夠佢哋為你評分。

日本女性情報網站Woman Insight，最近就有項問卷調查，請來100位平均24歲的女性做問題，了解現今年輕女性們，覺得男生手機用點樣嘅待機畫面會特別噁心。調查結果顯示，以下三種圖片或相片，都會令女性覺得唔舒服，睇吓你哋有冇中招先！

同愛人或朋友的合照（13%）

未必人人都有拖拍，所以有時見到別人手機的待機畫面，竟然係閃閃發亮的愛人合照，自然會睇唔過眼。但同朋友的合照都唔得？喂，老老實實，做問卷調查班囡係咪冇朋友架？

現實偶像或動漫偶像圖片（23%）

呢度講嘅偶像包括動漫人物，以及真人偶像。其中最令人反感的是，解鎖後會突然跳出跳出半裸露的人物。

另外如果偶像類型係蘿莉，或者巨乳寫真偶像，都會特別令女生感到討厭，至於原因，唔駛多講吧？咪就係覺得變態囉。

自拍照片（32%）

男生如果將自己的自拍照，設成待機畫面，係最最最讓女生感到噁心。如果仲要刻意模仿雜誌Style，或者加上任何Effect，令件事更加唯美，對唔住，沒有最嘔心，只有更嘔心。