好多女性朋友都話，佢哋嘅男朋友成日都講大話，話去見兄弟，其實就去咗見Ex；話好快返屋企，其實就仲劈緊酒唔願走；話會戒呢戒路，講咗10世一樣都做唔到，令一眾女生都表示心灰意冷。

其實明嘅～有時為咗塞住女朋友把口，都會唔覺意講大話。不過除咗以上呢幾個例子，你哋仲有幾多大話會成日講先？早前韓國就有網站，整理出男人常講的謊言，睇吓邊啲係你成日用嘅？

1.「會戒酒/會戒煙」
其實呢個同減肥一樣，好多時都係得個講字，有幾何真係做到丫。

2.「手機冇電」
通常女朋友搵唔到你，都會用呢句頂住先……

3.「我冇事……」
其實每個人都會遇到低潮，你都唔係真係冇嘢，只係你嘅自尊心唔容許你低頭。

4.「揀女朋友，比起外貌更重視個性」
係咩？咁點解人哋介紹女仔你識時，第一句都係咪靚唔靚先呢？

5.「今日會早啲返」
呢句多數都係老公上班前同老婆講，但成日都會因為好多因素，結果都係好遲先返屋企。

6.「今日要加班」
放工約咗朋友，有時唔想畀女朋友/老婆問長問短，都會用加班嚟做藉口。

7.「淨係飲咗一杯」
其實當你飲到醉晒，冇人會信你淨係飲咗一杯囉。