由奧斯卡男配角Mahershala Ali主演嘅MCU新版《Blade》真係命途多舛!籌備長達6年時間,歷經兩任導演及五次編劇更換,至今仍然尚未開拍。最近更有傳出電影已暫停開發,不過由Mahershala Ali飾演嘅「新任Blade」仍然有機會喺其他MCU作品登場。
其實呢部MCU新版《Blade》早於2019年宣布製作,但先後因為導演離職及荷里活罷工潮等問題而陷入停擺,就連編劇都換左5次。最近雖然有傳Marvel Studios已邀請《John Wick》系列導演Chad Stahelski接手救亡,但外媒《The Playlist》編輯Rodrigo Perez就反駁有關說法,並話套戲已經暫時擱置。
While Mahershala Ali is still attached all these years later, despite some of the talk that he was being difficult about approving scripts, from what I’m hearing the “Blade” movie is essentially nixed for now. — yronlyhope.bsky.social (@YrOnlyHope) March 28, 2025
While Mahershala Ali is still attached all these years later, despite some of the talk that he was being difficult about approving scripts, from what I’m hearing the “Blade” movie is essentially nixed for now.
Rodrigo Perez日前在X上表示,新版《Blade》嘅創作方向已大變,目前基本上係暫停開發,情況就類似MCU劇集《Nova》咁,暫時擱置,唔會即刻拍。不過,Marvel Studios應該會用另一種方式將Mahershala Ali版嘅Blade引入MCU,可能會安排喺《Midnight Suns》或《Avengers 6: Secret Wars》首度登場,又或者好似《Black Panther 2: Wakanda Forever》嘅Namor(納摩)咁,喺其他電影做住配角先。
考慮到《Secret Wars》角色眾多,會大大削弱Blade嘅關注度,所以Rodrigo Perez認為新任Blade喺《Midnight Suns》登場,或參考Namor以配角身份喺其他電影亮相,再順勢為個人電影鋪路,會更加合適。