由Capcom製作《生化危機9 安魂曲》（Resident Evil Requiem）將於明年2月27日正式推出。近日官方進一步公開遊戲故事簡介、主角背景及核心玩法。

故事由一具喺廢棄酒店發現、死因不明嘅屍體展開，FBI分析員Grace Ashcroft奉命前往調查，而咁啱得咁橋，呢間飯店正正係佢媽媽在8年前慘遭殺害嘅地方，留下未解之謎。原本以為係一宗普通嘅調查，但深入調查後，卻發現案件竟然牽涉到當年震撼世界嘅生物災害「浣熊市事件」，以及背後所埋藏嘅驚天陰謀。

今集遊戲舞台將重回浣熊市，一個曾經繁華嘅美國中西部城市，因保護傘（Umbrella）公司嘅生物科技研究而聞名，但在1998年因為爆發了一場生物災害，而被政府摧毀化為廢墟。事隔多年後，玩家將扮演Grace Ashcroft深入呢個滿目瘡痍嘅城市，在荒廢嘅街道及建築中，面對未知危險，尋找真相。

第三人稱視角

第一人稱視角

本作除咗保留系列經典嘅生存恐怖元素，包括戰鬥、探索、解謎同資源管理外，仲首次加入雙視角切換功能，玩家可能自由切換第一人稱或第三人稱視角，用最適合自己的遊玩方式面對恐懼。