人氣搞笑動漫《Keroro軍曹》事隔16年再度回歸，宣布明年再推全新劇場版動畫！今次仲請嚟ano同粗品攜手獻唱新主題曲，各位「愚蠢嘅藍星人」準備好出年入戲院未？

作為動畫開播20周年紀念企劃嘅一環，官方正式宣布全新劇場版將於2026年夏季上映，亦係繼2010年《Keroro軍曹大電影 5》後，睽違16年再有新作。據官方介紹，今集劇場版由曾執導《銀魂》真人版電影、《勇者義彥》系列嘅日本鬼才導演福田雄一擔任總監督及劇本，追崎史敏負責執導、小池智史擔任角色設計，而動畫製作則繼續由系列老班底BN Pictures操刀。

另外，官方同時宣布著名《Keroro軍曹》Fans、人氣歌手ano將會擔任20周年企劃宣傳隊長，並聯同搞笑藝人粗品一齊獻唱20周年版本主題曲「また帰ってきたケロッ！とマーチ」。