由《鋼之鍊金術師》作者荒川弘創作、2021年開始連載嘅《黃泉雙使》（黄泉のツガイ）日前在「Anime Expo 2025」活動上正式宣布改編電視動畫！並同步公開特報影片、製作團隊及首張海報，令人期待！

《黃泉雙使》動畫將由Square Enix、Anplex及Bones聯手製作，同時亦係三方繼《鋼之鍊之術師》動畫後再度合作。導演由曾參與《鋼鍊》分鏡同演出嘅安藤真裕擔任，角色設計則由負責過《鋼鍊》原畫嘅新井伸浩負責，而劇本統籌則由《無頭騎士異聞錄 DuRaRaRa!!》、《黃金神威》、《進擊的巨人》第一季編劇高木登擔任。具體播出日期仍有待官方公布。

《黃泉雙使》故事講述住喺深山村落嘅少年「月落」，自細未試過離開村子，靠狩獵野鳥維生。而佢嘅雙胞胎妹妹「亞晨」，則被關在村落深處牢籠之中， 執行某種「任務」。直到某日，村落被一班神祕人士入侵，帶頭嘅其中一名女性自稱為亞晨，並稱呼月落為哥哥，仲話被關在籠中嘅亞晨係假，故事由此展開。原作漫畫目前已推出至第10卷，總發行量超過400萬部。