日本柴犬「ポンさん」因一張被主人指罵嘅圖片被改成「不可以色色」Meme圖因而走紅。而近日其主人就於IG上預告「ポンさん」即將踏上彩虹橋，引來大量網民送上最後嘅祝福。

在 Instagram 查看這則貼文

柴犬ポンさん（@ponsan_shiba）分享的貼文

據其IG嘅「自我介紹」，「ポンさん」出生於2008年1月，換言之至今已經17歲半，以狗狗黎講已經係相當高齡。事實上「ポンさん」嘅身體早前已經出現問題。其主人於5月時發文，表示「ポンさん」自4月底起突然行唔到路、眼球震顫，後經醫生診斷患上「前庭疾患」，即因各種原因令內耳或腦部前庭神經出現問題，導致走路不穩、眼球震顫等類中風症狀。

去到8月31日，「ポンさん」主人於IG上預告「ポンさん」會於9月1日上午11點踏上彩虹橋，感謝大家多年來對「ポンさん」嘅愛，祝願大家未來再與大家相見，並配上由AI製成嘅影片，展示「ポンさん」由著名嘅「不可以色色」Meme圖中被外星人接上天嘅過程。

據台灣媒體考證，「不可以色色」Meme圖最早出現於2018年左右，製圖者已不可考。而此Meme圖於2021年起流行於網路，更衍生出一套過百款模仿《遊戲王》卡嘅Meme圖，當中包括「可以色色」、「強制色色」等。

資料來源：ponsan_shiba、udn