隨住科幻鉅作《阿凡達：火與燼（Avatar: Fire and Ash）》將於今年12月正式上映，官方公開全新預告，進一步揭露更多劇情細節及畫面，讓觀眾更了解全新種族「灰燼族」嘅起源。

全長約兩分半鐘嘅預告，可以見到角Sully同佢嘅家人將再次出發，探索潘多拉星球更多未知領域，並遇上全新威脅「Ash People（灰燼族）」。呢個係代表住火屬性嘅納美人種族，因為文明被火山爆發摧毀，而唔再相信潘朵拉星球嘅大地之母Eywa（伊娃），轉而崇拜破壞同火焰嘅力量，變得充滿野性同攻擊性，從部首領袖Varang（Oona Chaplin 飾）所講嘅一句說話，就可以感受到呢個種族有幾咁憤世：「來自山上嘅火，燒咗我哋嘅森林，我嘅族人高聲呼喊，但Eywa並沒有顯靈。」除此之外，仲可以見到Spider喺今集唔使再戴面罩，都能夠呼吸潘朵拉星球嘅空氣，而Sully喺第一集馴服嘅空中坐騎迅雷翼獸亦強勢回歸。

《阿凡達：火與燼》繼續由金像大導演James Cameron執導，並聯同《猿人爭霸戰》編劇夫妻檔Rick Jaffa與Amanda Silver再度合寫劇本，預計今年12月18日在香港正式上映。