Netflix真人版《ONE PIECE》第二季「Into the Grand Line」，終於確定在2026年3月10日正式播出，並同步公開圓鼓屋頂島篇（磁鼓島篇）首批劇照！

經過大量前期宣傳，Netflix終於敲定真人版《ONE PIECE》第二季播出日期，同第一季相隔近兩年半，可見官方花咗唔少時間同心力，確保改編能令舊Fans同新觀眾都滿意。在上季擊敗阿朗（惡龍）海賊團後，路飛一行人將於今季正式進入偉大航道，遇上更多奇特嘅島嶼同敵人，包括擁有仙人掌狀巨岩嘅「韋士基山峰（威士忌山峰）」、到處都係參天巨木嘅「小花園」、沙漠王國「雪花石膏王國（阿拉巴斯坦）」，以及一年365日皆為冬季嘅「圓鼓屋頂島（磁鼓島）」，同時亦係索柏（喬巴）嘅家鄉。

除此之外，雖然第二季尚未播出，但Netflix已續訂第三季，預計今年底在南非開普敦正式開拍。