隨住Netflix真人版《ONE PIECE》第2季將於3月10號播出，近日官網公開正式前導預告。除咗見到路飛一行人終於進入偉大航道，由「沙·鱷魚」領軍嘅刺客組織「巴洛克公作社」亦在片中逐一登場，當中最搶眼嘅，莫過於由俄羅斯女星Lera Abova飾演嘅「Miss ALL星期天」妮歌·魯賓，一出場就引起網民熱烈討論。

《ONE PIECE》第2季將接著上季劇情，講述路飛一行人正式進入偉大航道展開全新冒險，並遇上更多奇特嘅島嶼同強大勢力。而佢哋嘅首個重大敵人，就係神秘刺客組織巴洛克公作社（巴洛克華克），呢個組織勢力龐大，成員更一律以代號互相稱呼，真實身分成謎，為草帽海盜團帶嚟唔少麻煩。究竟路飛一行人會點樣迎戰呢班神秘敵人？敬請大家拭目以待！

季劇情將會一路推進到索柏（喬巴）家鄉圓鼓屋頂島（磁鼓島）為止，而第三季亦正在拍攝當中，暫時未知具體上映日期。