自2020年憑《The Queen's Gambit（后翼棄兵）》爆紅後，Anya Taylor-Joy事隔6年終於再度回歸電視劇舞台。嚟緊將於Apple TV新劇《Lucky》化身成一位「騙子」，為躲避黑白兩道追殺而亡命天涯。

喺今日Apple TV 2026發布會上，官方正式確定《Lucky》播出日期，並同步公開首部預告及首批劇照。劇集改編自Marissa Stapley筆下同名小說，故事講述由Anya飾演嘅主角Lucky Armstrong，本來係一個靠呃人維生嘅騙子，但因為喺一宗價值數百萬美元嘅劫案中失手，令佢被迫踏上逃亡之路，一方面要躲避FBI嘅追捕，另一方面又要應付黑幫嘅追殺。

但最諷刺嘅係，Lucky喺逃亡期間用僅餘嘅錢買咗張彩票，竟然意外中咗頭獎。雖然呢筆獎金足以徹底改變佢嘅人生，但只要佢一現身領獎，就會即刻被捕。Lucky必須喺重重危機中為生存而戰，並在兩難局面中搵到一條重獲自由嘅出路。

《Lucky》由《Warrior（唐人街戰士）》主創Jonathan Tropper操刀，除咗Anya Taylor-Joy擔正做主角兼執行監製之外，仲有多位實力派演員參演，包飾演Lucky爸爸嘅Timothy Olyphant、飾演黑幫頭目嘅金球影后Annette Bening，以及飾演咬緊Lucky唔放嘅FBI探員嘅Aunjanue Ellis-Taylo等。劇集將於7月15日於Apple TV正式上架，首播當日會一口氣推出兩集，其後每星期更新一集，全劇共7集。