基因呢家嘢真係好玄妙，就好似之前介紹過嘅有村架純姊妹咁，點估到同一對阿爸阿媽生出黎會有咁大分別先得架！但我深信呢啲絕對係個別例子，係不能夠以偏蓋全！就好似早排先畀傳媒爆出原來係姊妹嘅倉科カナ．橘希姊妹咁，兩姊妹唔單止個樣似，就連身材都一樣咁似！ | |
| |
| 先講姐姐倉科カナ。今年27歲嘅佢來自熊本縣，2005年仲係讀緊高三之時就贏得Sony Music Artists青少年試鏡會首獎，成為SMA旗下藝人，但決定先完成埋高中學業(即2006年)先去東京發展。同年仲擊敗埋目前係歌手嘅「江利奈(當時名為松井繪里奈)」，贏埋《Young Magazine》舉辦嘅2006年「Miss Magazine」。自此就正式進軍演藝圈，歷年黎演出過N部電視劇。 | |
| |
| 但話哂係MenClub深夜系列，冇理由冇肉色部份嘅！事實上倉科カナ除咗做戲，亦都拍過唔少水著寫真。而且身材仲相當唔錯。不過講到佢最令人注目嘅成就啦喎，就應該係2014年公開同竹野內豐拍拖啦。 | |
| |
家姐名花有主，咁細妹又點呢。今年24歲嘅橘希(藝名，冇姓)目前係個寫真女優。2014年以「稲森ヒロ」之名贏咗由NetWork Japan舉行嘅「Miss Saipan」冠軍而出道，當時就已經有傳聞指佢係倉科カナ嘅親妹妹。但由於當時事業發展不順，件事就唔多人留意。
直到今年佢轉會深田恭子、綾瀨遙等所屬嘅大型事務所「HORIPRO」，並且改咗個藝名做「橘希」，佢先慢慢有返啲人氣，而當年嘅姊妹說亦都拎返出黎講。而佢亦喺寫真DVD嘅發佈會上公開承認姊妹關係。 | |
橘希同姐姐倉科カナ唔單止個樣有三分似，身材就更加係「一波未平、一波又起」添！ | |
| 近期佢仲有出演《死亡筆記日劇版》，飾演彌海砂(佐野雛子飾)所屬偶像組合「イチゴBERRY」成員之一「北野マコ」。雖然話套劇口碑麻麻，但起碼夠哂話題性，再加上姊妹光環，相信橘希好快都可以好似姐姐咁有大量演出機會。希望佢唔好咁快畀人私有化埋啦。
| |
