| 論戰鬥力，鷹眼應該係《Avengers》入面最弱嘅一個(Black Widow？由於係Scarlett Johansson做嘅關係，佢起碼可以秒殺地球一半人)，亦都係最有「打醬油」嫌疑嘅英雄，但黎到《美國隊長3：英雄內戰》，佢終於做到嘢啦！ | |
| |
| 準確啲黎講呢，其實係鷹眼嘅演員Jeremy Renner做到嘢！因為佢上個星期失驚無神喺自己個Twitter到Post咗幾張《英雄內戰》嘅概念圖出黎，而且唔係普通嘅造型人設咁簡單，而係「隊長陣營」同「Iron Man陣營」嘅人選！ | |
| |
| 大家都知所謂「英雄內戰」，就係圍繞住「超能力者註冊法案」、由認為「英雄們是要管的」Iron Man對上「原諒我這一生不羈放縱愛自由」嘅美國隊長、再加埋各自埋堆嘅英雄們而成嘅「戰爭」。拍成電影時究竟咩人屬於咩斛營就變得非常重要。而憑Jeremy Renner放出嘅概念圖，我哋就見到「Iron Man陣營」除咗Iron Man、War Machine、幻視(Vison)同Black Widow之外，仲有新角色Black Panther。而「隊長」陣營就有Antman、鷹眼、Falcon、Bucky Barnes以及前S.H.I.E.L.D.十三號特工Sharon Carter。 | |
| |
| 當然，原著漫畫中參與英雄內戰嘅人絕對唔止呢幾個，例如當中佔戲極重、電影版亦及時趕上加入Marvel大家庭嘅蜘蛛俠(Tom Holland飾)就不存在於概念圖中。不過鑑於《英雄內戰》會係蜘蛛俠喺現時Marvel電影世界中首次出現，而且一切都要等到2017新電影上映先會確立地位，今次《英雄內戰》應該都係行行企企居多。而Scarlet Witch、以及Martin Freeman飾演嘅謎之角色等，就要再等進一步消息啦！ | |
| Jeremy Renner |
