| 又第一身又特種部隊，你可能以為文青係講緊啲咩新GAME，可惜文青今次講嘅真正嘅戰場片段。話說上個星期四，美國特種部隊同伊拉克庫德人(Kurdish)軍隊策劃營救一批被ISIS囚禁於伊拉克北部小鎮「Hawija」嘅人質，今次亦係美國與伊拉克軍隊首次合作對抗ISIS。雖然聯合部隊最後成功救出接近70名人質，但一名美國士兵亦在行動出被ISIS擊斃。而近日網上就流出當日行動中由美國部隊成員嘅頭盔攝錄機拍到嘅畫面，等大家以第一身角度了解真正嘅戰埸。 | |
| 根據《紐約時報》引述美國五角大樓發言人Peter Cook所言，今次行動係由伊拉克庫德政府於週四晚向美方提出，伊方當時指有確實情報證實ISIS會於短期內處決囚禁中嘅人質，而他們無論得唔得到美軍嘅回應或支援都會出兵營救。美軍於是決定派出支援，出動五架直升機及三角州反恐部隊作為後援。而今次流出嘅片段就見到美軍與庫德軍人於一棟建築物內救出接近70名人質(順帶一提，本身嘅情報為20名人質)，而且更遇到ISIS嘅激烈反抗。影片前半段見到聯合部隊帶領一班身有血跡嘅人質穿越一個外面火光幢幢嘅房間，而外面就不斷傳來槍聲。 | |
| |
| 而畫面後段就見到聯合部隊身處在一間掛有ISIS旗幟嘅房間內，前方成員正掩護前進，而戴有頭盔攝錄機嘅成員則在後方待命。亦曾回頭走出走廊，拍到一間裝有鐵門，疑似為囚禁人質所在嘅房間。然後傳出幾下槍聲，聯合部隊繼續推進。 | |
| |
| 根據《紐約時報》報導，是次行動中聯合部隊擊斃過20名ISIS武裝份子、擊傷6人。而根據親ISIS媒體報導，則有三名看守監獄嘅武裝份子被擊斃，但他們同時亦殺了數名人質。 | |
| New York Times |
