最近因為一幅洪永城同黃翠如手拖手行紅地毯嘅相，令巴打無限感慨，寫下《每個男人心裡面都有一個黃翠如》，內容大約係講每個男人總有一個好Close嘅女仔Friend，當大家都認為你哋應該一齊時，你總會笑笑口話呢個女仔唔係你嘅對象，二人只係好朋友關係。但事實上，你唔多唔少都有鍾意佢，只係你心裡知道，呢個女仔完全唔當你係戀愛對象，所以根本冇可能一齊。

但唔係個個人都咁清醒，知道同呢位知己有冇機會發展成情侶。唔想一等再等，等到對方嘅「蕭正楠」出現先如夢初醒，咁就要睇吓對方只當你係朋友時有咩徵兆喇。

你會幫佢做親密嘢
例如幫佢抹鼻涕、幫佢睇牙齒有冇菜渣，除非你係佢男朋友，如果只係朋友，表示佢對你冇意思，因為佢喺你面前完全唔在乎形象。

佢喺人哋面前會好坦然認自己單身
如果對你有意思，喺其他人面前應該會表露自己感情係complicated，而唔係當你透明咁恨仔恨到出晒面。

佢喺你面前換衫都唔Care
唔好以為佢唔介意喺你面前換衫，即係向你默許，只係因為佢跟本唔當你係男人。

傳訊息唔會多講廢話
佢可能會同你吹水，但唔會浪費筆墨同你講其他無謂嘢，例如曖昧嘅語句。

成日強調你哋係好朋友
無論對你定對其他人，都會強調你哋係好朋友、好兄弟、好姊妹，完。

話你十足佢阿哥或者佢老竇
係呀，當你係屋企人咁唔代表你可以同佢結婚成為家人，你有幾可見啲女會同自己阿哥阿爸談戀愛丫！

佢會希望搵到個男朋友好似你一樣對佢咁好
好似你一樣對佢咁好，但重點係其他人而唔係你。Sor9ry。