成日都會喺網上見到唔少年輕情侶大放閃光彈，張張相都又係錫又係攬，貌似非常恩愛。不過，小情侶啲相更sweet都好，似乎呃like指數都比不上網上嘅老夫老妻照，就算兩位老人家只係靜靜地坐喺長凳上牽手依偎，都比後生仔女激吻照片更令人感受到愛情嘅真諦。

我哋都明白，愛情隨住時間，感覺可能愈來愈淡。所以年輕人拍拖，一開始充滿激情，愛得死去活來，真係話咁易。但時間耐咗，雙方依然可以咁愛對方，依然恩愛如昔，就真係唔容易，直頭可以話係一門學問。可惜呢門學問並唔易學，唔係三言兩語就講得透。不如直接從銀髮夫妻嘅恩愛相片，參透如何維繫永恆嘅愛情？

唔需要在意別人嘅眼光，兩個人相處，就算好似小朋友一樣低低BB都唔怕，最重要係兩個人一齊體驗快樂。