愛情從來都唔公平，即使你付出好多，都未必得到相同回報。「我愛的人 不是我的愛人 她心裡每一寸 都屬於另一個人……」每一個做過水泡嘅人，都深明呢句歌詞嘅意思，就算明知對方心入面鍾意第二個，只當自己係後備、水泡，都情難自禁地留喺對方身邊。如果你都試過做水泡，相信睇到以下嘅文字，你唔會感到陌生。但如果你未試過做水泡，睇到以下文字卻能產生共嗚，咁真係對唔住，你已經做咗高級水泡。因為作為水泡嘅最高境界，就係畀人利用緊你嘅愛，都渾然不覺。

即使佢呢一刻拒絕你，下一刻又話鍾意你，好此反覆無常好似玩你咁，你都依然會死心蹋地咁跟住佢。

當佢需要你嘅時候，你覺得自己搵到人生的意義；當佢唔需要你嘅時候，你覺得人生冇晒意思。

每次睇佢嘅status，都會覺得係同自己有關。

雖然佢唔住你嘅女朋友，但佢正正係你唔搵女朋友嘅原因。

佢開心嘅時候，你會覺得自己full of energy；佢唔開心，你都會跟住唔開心。

佢每一句漫不經心嘅說話，都可以輕易地觸動你嘅神經。

知道自己冇呷醋嘅資格，更加冇離開佢嘅決心。

隨住佢嘅感情狀態嘅起伏，你嘅地位都會忽高忽低。

佢貌似係一個好cool嘅人，但你知道，佢只係對你cool，對佢鍾意嘅人其實會好warm。

傾偈嘅時候，佢永遠覆得慢過你；出門嘅時候，你永遠都準備得耐過佢。

即使佢只係唔覺意同你有少少身體接觸，你嘅神經都會敏感到好似畀佢直接掂你心房一樣。

聽佢傾心事嘅時候，你當佢係女神，但佢只係當你係女人。

有啲訊息，你以為只係傳畀你一個人，但其實佢係傳畀所有人。