| 好快就踏入2016，又係時候期待下Marvel嘅新戲。而當大家將所有注意力都放哂落五月檔嘅《Civil War》，文青就對11月上映，由《Sherlock》男星Benedit Cumberbatch主演嘅《Doctor Strange(奇異博士)》更加有興趣－－畢竟演員又正、角色又新同情報又少嘛！而最新一期《Entertainment Weekly(EW)》雜誌就搶先公報咗Cumberbatch嘅造型照以及其他概念圖，一齊黎睇下啦！ | |
| |
| 根據《EW》嘅報導，《Doctor Strange》嘅拍攝其實係11月先開始，而呢張相乃係Cumberbatch首幾次試起Doctor Strange戲服時影落嘅，所以早到連Cumberbatch本人都唔知Doctor Strange出魔法時應該要擺咩Pose。另一邊廂，《EW》亦透露咗其他參演演員嘅角色，例如《Hannibal》男星Mads Mikklesen會飾演戲中嘅主要壞人，女星Tilda Swinton就會飾演Doctor Strange嘅導師「The Ancient One」。 | |
| |
| 漫畫中嘅Doctor Strange全名「Stephen Vincent Strange」係一名外科醫生，因為家人相繼去世而變得憤世嫉俗，宜到一場車禍令佢雙手受傷，無法再行醫。為咗醫治雙手，Strange搵到至尊魔法師「The Ancient One」，並且學習魔法，成為Marvel宇宙中實力最高嘅英雄之一。電影由Scott Derrickson執導、Benedit Cumberbatch、Tilda Swinton、Mads Mikkelsen、Rachel McAdams等人主演。2016年11月4日上畫。 | |
| 圖片：Entertainment Weekly |
