健康嘅啪啪啪一定要男女二人配合得宜，如果只有一方舒服，就算得到身體上嘅滿足，心靈上都可能覺得空虛寂寞凍。「性」呢個字，喺男人眼中正常過唔正常，有咩要求，咪講出聲，啪啪啪時想點就點，好多時掌握晒主導權，自然比較容易滿足自己生理需求。但喺女性角度而言，如果同另一半講自己對性有咩要求，其實都幾難開口，一來驚對方認為自己淫蕩冇矜持，二來怕對方誤以為自己對性好有渴求（不過事實通常都係有渴求先會有要求），所以好多時佢哋都唔會主動開口，特別係未進入狀態嘅前戲部分，呢個時候，只好透過身體反應再加強勁念力去誘導男方︰左啲……左啲……大力少少……錫呢度……摸嗰度……但好多時都係會唔中位，結果女方就自己暗暗失落/_\

妖！我又唔係女人，鬼知掂邊個位會敏感咩？我知丫～所以咪打呢篇文話你知～大多數女性邊啲部位最敏感，等你下次啪前都易「掌握」嘛～

頭髮
唔係指啲頭髮有神經掂到就好high，而係摸頭髮呢個舉動的而且確會令大部分女仔有觸電感覺，被溫柔地摸頭髮時，會覺得自己被對方深深寵愛、呵護、珍惜，淨係諗下都會紅都面晒！

腿部
呢度講嘅腿部包括大髀、腳踝、小腿，甚至係腳指，由於每個人嘅敏感點都唔同，所以可以圍繞腳嘅每個部位試一試，因為腿部本來就屬於一個令人較易有Feel嘅身體部位，但一般而言，似乎大髀內側最易令人毛管棟。

膝頭後面
雖然應該歸納去腿部，但唔特登指出唔知有冇人會留意呢個部分呢？其實關節後側嘅皮膚係非常細嫩，而且有好多淋巴同神經，照理應該係好敏感，不過唔知摸嘅時候係high多啲定笑多啲……

耳珠
耳仔一向都係爆敏感嘅部位，不過似乎唔少女生都覺得耳珠位係特別敏感，就咁摸或者捏已經好舒服，如果可以細細力咬一咬……真係不得了！

手掌
仲記唔記得第一次同愛人拖手嘅感覺？其實手心嘅記憶係好難忘記，而且手掌同指尖都係極多神經血管嘅部位，所以接觸時感覺會特別強烈，調情時不妨喺對方手心畫圈圈，應該都會幾好Feel。

後腰
後要都係一個會容易令人毛管棟嘅部位，同摸頭髮有啲相似，主要有Feel嘅原因都係出於被保護嘅感覺。

鎖骨
雖然生理上，鎖骨冇咩神經唔會令人好High，又談不上咩被愛護嘅感覺，但就好似男人被鍾意嘅人摸二頭肌三頭肌咁，你話有Feel咩？冇乜架，但好開心囉，因為對方好欣賞，覺得自己好性感。同樣地，鎖骨都係性感代名詞，當女生鎖骨被撫摸時，都會覺得好有成就感好開心。