Shiraz 擁有濃郁黑色水果香氣，香辛、皮革、胡椒、黑朱古力變化多端，當澳洲班勇於創新嘅釀酒師做 Sparkling Shiraz 嗰陣，我相信佢地都估唔到呢款酒可以瘋行澳洲。

Katnook Founder's Block Sparkling Shiraz 2013

Sparkling Shiraz 作為汽泡酒，仍然能既保持部份紅酒嘅風味，另一方面更加明顯地突出咗Shiraz嘅漿果香氣、酸度同埋單寧，能夠以冰涼嘅溫度響受，汽泡所帶嚟嘅口感亦好過癮。

就咁飲你可能會覺得有啲奇怪，但佢其實係搭配燒烤、煎炸食物嘅上佳選擇，比起一般汽泡酒，Sparkling Shiraz擁有更強嘅酸度同單寧，比起一般白酒，佢又有爽快嘅汽泡，所以澳洲人鐘意用佢嚟配BBQ或者聖誕火雞大餐。

響我地平時食嘢嘅選擇之中，烤肉、燒雞、甚至打邊爐都係唔錯嘅選擇。