「越淡麗」呢種酒米，係由「山田錦」同「五百萬石」雜交而嚟。日本新潟縣釀造試驗場、新潟縣新酒組合、新潟縣農業總合研究所，3大機構有個共同目標，做出「適合新潟縣栽種，超越山田錦米質」嘅酒米，經過整整16年重重覆覆嘅失敗同實驗，佢地最終得出嘅答案係「越淡麗」。

山田錦

五百萬石

而家愈嚟愈多酒造使用「越淡麗」，從吟釀到純米大吟釀都有，可以應用層面同範圍之廣闊。不過日本新潟縣最關心嘅話題，始終係「越淡麗」能否帶動當地嘅農林發展，即使做到一枝100%新潟縣生產嘅純米大吟釀，仍要擊敗擁有絕對市佔率嘅山田錦、五百萬石先有發圍空間。

「越淡麗」嘅心白大粒明亮，易磨又適合做大吟釀。