每個人對愛嘅表現方式都唔同，有啲人會好似小學雞咁，欺負喜歡嘅人；有啲人就好似天使咁，默默守護自己愛人……而有啲人，佔有欲非常之強，除咗希望得到對方嘅心，仲希望得到對方所有嘢，例如佢掂過嘅物品，甚至佢嘅頭髮、體液、指甲等等，都渴望得到。

日本Twitter最近就有個女網民同大家分享收藏品，乍眼一望，粉紅色嘅Test tube、粉紅色嘅格仔盒，睇落都似係收埋啲香水呀、飾物呀等等女人嘢。不過細心啲睇，你見唔見Test tube上面黐住張紙仔，寫住「精液」兩個字？

原來呢位名叫「愛香」嘅網友，最大興趣就係收集喜歡對象嘅毛髮、體液同指甲等等，仲特登買埋靚靚盒仔裝起佢，就連拍拖時買嘢嘅收據、對方用過嘅牙刷、Condom包裝都一一珍而重之咁收起，佢話「只要係我喜歡嘅人，我就想擁有對方嘅一切」。

「愛香」喺Twitter上都坦誠喺自我介紹度寫︰「最大興趣係收集體毛體液同指甲」，睇埋佢嘅收藏品，就知佢真係唔係得把口，堅認真架喎……