| 若果我問遊戲界最有代表性嘅女角，你未必第一時間諗起「春麗」，但你一定唔會否認佢對黑絲長(加粗)腿喺每一個打過街霸嘅小朋友心入面都留下一道不能磨滅嘅痕跡。而且，就正如我哋每一個人都試過望住不知火舞個心口搖擺搖蕩一樣，我相信你哋曾幾何時都對春麗對腳有興趣。不過大家都知，現實生活中要搵一個Carry到咁粗嘅腳嘅女仔，真係難過捉棋捉贏AlphaGo。而事實上如果齋論對腳，最忠於原著嘅春麗扮演者其實係成龍… | |
圖片：互聯網 | |
| 但，世上冇難事，只怕有心人！近日網絡上就出現一個真人版春麗！而佢嘅賣點就係一對同春麗一樣咁粗嘅大脾！ | |
| |
| 呢個名為Natascha Encinosa(Naty)嘅女仔，目前住喺美國加州，係一間媒體公司嘅職員，同時亦係一位健身愛好者兼模特兒，仲憑非常有曲線嘅身材吸引咗接近六萬個追隨者。卻說早幾個星期情人節嘅時候，佢就上載咗一張著住黑色連身裙，露出一對結實大腿嘅照片上Instagram。由於身形同衣著都同春麗十分相似，所以瞬間就呃咗接近4000個Like。之後佢更加放出一張同春麗嘅「合照」，問啲Fans佢係咪應該要Cosplay一下春麗，結果有成過萬人Like添！ | |
| |
| Naty嘅超健美身形令佢成為一時熱話，背後當然都付出咗唔少時間。佢自己都喺Instagram講過自己曾經都係一個肥妹、會因為自己身型唔好而唔開心。但佢有一日就醒覺，知道唔開心係冇用嘅，所以就開始運動同注意飲食，終於練成呢個春麗身型。所以叫大家都唔好放棄自己喎！ | |
Natascha Encinosa on facebook nataschaencinosa on instagram | |
