雖則話男仔嘅衫成日都係T-shirt x 褲；裇衫 x 褲；衛衣 x 褲等等嘅配搭，冇女仔變化咁多咁麻煩，但總有巴打試過上身隻色同下身隻色唔知點襯好嘅情況。最近韓國Twitter就熱傳一張圖表，教你上下身顏色點襯最好。

嗱嗱嗱，唔好一見到韓國就耍手另頭，話︰「我唔係韓風架咪搞我啦……」，因為呢張圖表冇分韓風、日系、英倫風之分，齋講顏色配搭，應該咩Style都啱用。佢仲好Nice咁話你知，點襯最推薦、點襯麻麻地、點襯千祈唔好試。