| 大家個個禮拜都有「一週溫度計」睇，有時有Chantale跳鋼管舞、有時又有Myako陪你行食品展，係咪覺得自己好幸福呢？但其實呢個世界上最幸福嘅天氣報告觀眾，係喺半個地球外嘅墨西哥！因為為佢哋報天氣嘅，係被譽為世界最性感天氣主播嘅Yanet Garcia！ | |
| |
| Yanet於墨西哥一間西班牙文電視台中擔任天氣主播，每晚為觀眾報導天氣－－但睇黎觀眾就應該會以為晚晚都係月圓。原因係本身非常喜愛做運動嘅Yanet練出一個翹到可以做茶几嘅Pat Pat，每當佢側身報天氣嘅時候，就彷如一條完美嘅S型曲線一樣。再加上非常清楚自己賣點喺邊嘅Yanet每每都準備啲包緊全身嘅衫，搞到啲觀眾(包括你同我)都唔知應該睇天氣睇佢好！ | |
| |
| 好身材好快就為Yanet帶來名氣，佢嘅Instagram目前有超過170萬Followers，Twitter上都有接近34萬，佢亦有一個集齊哂佢所有天氣片嘅個人Youtube Channel。事實證明所謂嘅世界語言唔係音樂、唔係足球、亦唔係身體語言，而係天氣－－唔係你點解釋明明你就唔識西班牙話架啦，但又會好乖咁睇哂成條天氣預告仲好似好明咁，甚至一路睇到去一年前嗰啲都唔肯停手？ | |
| 所謂月亮代表我的心，見到Yanet呢個身材，你係咪都好想同佢搵個四下冇人嘅地方靜靜地賞下月呢？先唔好理人哋遠在墨西哥，就算你去到都冇用，因為佢已經有個大隻靚仔男友「Doug Censor Martin」。所以我勸你都係早點歸去，繼續睇天氣學西班牙文算啦。就好似上面嗰條咁，真係多嘢學到睇極都唔厭呀！ | |
| |
圖片：Yanet Gacia on facebook iamyanetgarcia on instagram |
