唔少女士都好Care買內衣這回事,除咗要著得舒服外,仲要有function(例如矯形、push up、無痕)同埋靚,不過佢哋諗件內衣靚唔靚時,唔一定根據自己喜好,有時候,都會以吸唔吸引到男性為基準(特別拍拖初期)。鬼咩,成日聽人講,男人見到阿婆肉色內衣就冇胃口,又話卡通圖案好幼稚等等,雖然到最後咪又係除晒,但拆禮物之前見到個包裝唔啱心水,男人都係會冇癮,巴打們,你懂的~
不過其實唔只男人會因為女士套內衣而冇晒性趣,女人一樣都會偷偷地評點男人條底褲!日本網站@DIME就列咗幾款特別唔受女生喜歡嘅男性底褲,睇下當中邊款最令日本囡囡接受唔到先~
第五位—孖煙囪 好多男士都覺得孖煙囪冇束縛可以9fing fing好舒服,不過原來有部分女仔認為孖煙囪感覺好阿叔,所以唔係好buy,覺得著貼身四角褲會比較好,但孖煙囪相對以下底褲款式而言,都係比較容易接受嘅。
|