蘋果早已決定參戰電視串流網絡，昨晚舉行的秋季發佈會，發表左好多產品，計有iPhone11系列、新一代iPad、Apple Watch等等，當中大家記住凡購買全新的iPhone、iPad、iPod touch、Mac 及Apple TV，均免費附贈送一年全新的APPLE TV+訂閱資格，擺明以蘋果強大產品線同客戶群吸客加入串流媒體的平台同Netflix 及迪士尼+電視串流頻道大戰。煲劇的生活11月即將會有新改變，看來又多一個好選擇，至少好多人將會因為買蘋果產品獲得一年的兔費睇，唔買的都可以先試睇一星期，有得揀你至係老闆。

關於Apple TV +，一個重點11月1是正式開播，如果你唔係買蘋果新產品免費睇一年，就有7日試睇，然後月費方面其實都唔算貴一個月4.99美金，即約40蚊港幣唔駛。最多可供六位家人分享

根據蘋果的介紹，Apple TV唔會有廣告插播，用戶可以離線收睇，仲有齊4K ,HDR,杜比全景聲等，隨時可以自我升級成家庭影院播放，有大食大玩盡家居影音裝置

最後也是最重要的事，到底Apple TV +有咩野正野睇先？昨日的發佈會就推出左最新蘋果原創獨家劇集，由《水行俠》主角Jason Momoa出演的新劇《see》(《末日光明》）

當然還有早前已經發表過關於新聞主播權力爭鬥的《The Morning Show》，劇集由Jennifer Aniston和Reese Witherspoon主演，早排預告全球達一億次點擊率，呢個新聞鏡頭下的激烈爭鬥作好可能引發大熱，係現時蘋果最受人期待的新劇之一。

此外仲有套女權劇作大膽挑戰19世紀社會、性別、家庭制度及觀念的著名女詩人Emily Dickson傳記故事《Dickinson》，狂傲中帶青春，由Hailee Steinfeld和Jane Krakowski主演

另外當然仲有其他劇集包括一套虛構歷史，講述蘇聯先過美國實現登月，太空競賽仍然持續下去，人類政治社會面對的新故事 《For All Mankind》，對好多大男孩來講呢套劇相當有趣

還有其他如卡通《Snoopy》、愛爾蘭動畫《Wolfwalkers》，長篇記錄片《The Elephant Queen》等等，有興趣的劇迷或打算買蘋果新產品的朋友自己留意啦，11月起，世界如此大唔應該剩係睇本地一個電視大台，咩都可以試試有得選擇睇下蘋果新野啦