去年《鬼滅之刃》大熱之時,就有人話同樣於《少年Jump》上連載、由芥見下下創作嘅《咒術迴戰》能夠成為下一本《鬼滅》。而喺《鬼滅》完結之後,《咒術迴戰》嘅人氣亦的確水漲船高,甚至與《Dr.Stone》一起被捧上與《One Piece》同級嘅「Jump 三本柱地位」,相信唔少香港漫畫迷都係其Fans。既然係咁,黎緊7月於K11 Art Mall開設嘅《咒術迴戰》期間限定店,大家就不能錯過啦!
《咒術迴戰》期間限定店開設於K11 Art Mall (即係舊K11) 地下,店內會出售多款《咒術》週邊產品,例如連盒嘅「兩面宿儺」USB手指、最強人類五條悟眼罩、Megahouse出嘅場景盒玩等。店內亦有貼滿正、反派人物嘅打卡牆,去到唔買都要影下。