尖沙咀LCX商場將於10月8至11月8日,與「Miss SAKE Hong Kong」合作舉行「令和秋逸・祭典の旅」秋祭,場內除咗有不同打卡位、小遊戲之外,最吸引嘅可能就係商場聯同日本生活品牌「逸品侍」、於十月中開幕嘅「逸品館(IPPINKAN by the time sommelier)」。店內最搶眼嘅,就係參照新潟著名景點「ぽんしゅ館」而設,佔據成埲牆嘅清酒自販機。除咗喺到影相會充滿日本感之外,啲自販機亦真係會提供超過50款日本清酒 (當然係要錢),大家自己揀、自己斟,清酒愛好者絕不能錯過。