無喇無喇，一代飛機「巨無霸」A380即將停產，最後一架A380將會喺2021付運。日前空中巴士(Airbus)發聲明指，由於客戶阿聯酋航空大幅度Cut單，加上其他航空公司訂單不足，所以做埋餘下訂單就停產A380喇。

點解A380咁大架都要搞到停產？咪就係因為太大架囉，一架A380客機最多可以坐853位乘客，喺點對點航線盛行下，好少航線能夠坐到6成或以上乘客，造成空位浪費及令航空公司成本大增。加上現時廣體客機都主要採用更慳油嘅雙引擎系統，令到4引擎嘅A380加速淘汰。

唔載客做貨機得唔得啊？話晒都係巨無霸！其實Airbus曾經有打算改裝A380做貨機，但由於A380結構複雜，加上唔可以好似747咁喺機頭裝貨，所以就無A380貨機喇。