香港人最鍾意旅遊，大把人一年去幾次，秋意濃，冬漸至，係時候計劃聖誕旅程，又或讀者們早已訂好機票同酒店。冬季旅遊，滑雪係其中一個選項，內地為了迎接2022年冬奧會，滑雪場呢幾年爆炸式增長，但開業易守業難，隱藏伏位多不勝數！

踏雪尋金

日韓係港人滑雪首選國家，但隨著內地滑雪場愈開愈多，遲少少搭直通車就可以玩雪，廣州花都萬達茂滑雪場擬於2019年6月開張，總面積75000平方米，年初會內部試運，初次造雪需時80日。冬奧會將於4年後首次在中國舉行，各城鎮為配合國策，早已加速推進冰雪產業發展，除了東北三省之外，內部城市也會分一杯羹。

千禧年前後，滑雪行業正式在中國落地，10多年過去，內地正迎接「雪兒潮」大爆發，大型滑雪場由過往只設兒童玩樂區，逐漸改為新增兒童專用雪道，每逢學校假期，500至600名學童排長龍學滑雪，不再奇怪。運動是國策一部份，國家贏得冬奧主辦權，父母識時務自然會讓細路哥，由學打網球、桌球、高球、乒球改為踏雪尋「金」。

人才不足

冰雪產業有人氣欠人才，以前嘅運動員一係頂唔住轉行，有成績就被收歸國養，教練嘅數量追唔上需求，教練費每小時由數十元飆升至150元人民幣以上，外籍教練更以倍數上升，節日往往full booking，預約趁早。東北三省嘅遊牧人不願過着飄泊生活，改為教人滑雪，每月平均賺到約6000元人民幣以上，收入比大學生更有錢途。

不過，呢行旺丁唔旺財，滑雪場老闆至今有苦自己知，擁有20條以上雪道嘅場地，全年成本逾億人民幣，包括長期造雪、維修、養活數百人團隊等，但滑雪高峰時間每年只有幾個月。3億人冰雪夢，飲頭啖湯係歐美品牌，最大塊肥豬肉被其他人分了，自己人只能賺血汗錢。

冷帽上陣

內地雪場奇招盡出，每到冬季就派出比堅尼美少女上陣，以少布博大利， 但問題係滑雪場管理經驗不足，經常出事故曾經有女孩滑雪時沒戴保護裝備，頭部受重創離世，家長和雪場被判共同承擔法律責任。內地雪場仍會出現奇景，例如說，小孩戴冷帽滑雪，父母為拍攝千金同公子，舉起相機站在滑道尾端，妄顧自己同其他人安全。

改革開放咁多年，內地辦事作風始終如一，管理、制度百病叢生，信阿爺嘅民企輸多贏少，賺大錢又隨時被強制入黨。幻覺幻覺，嚇唔我島，明日大愚咁偉大，應該開心啲睇呢件事，反正香港沉降，官員嘅大陸化所作所為，基本上同內地無分別，現在雪場之亂，正好是未來預言書。島吧，島吧，人生難免經歷苦痛掙扎，2022年冬奧會結束後，就係明日大愚嘅願景，唔使等廿年！