睇波時，我們經常見到一個個精靈可愛嘅小朋友，拖住球星步入球場，有時都會幻想自己或囝囡係其中一個，感受萬人空巷，見識世面。究竟要咩條件先做到球僮？唔使特別靚仔靚女，又唔使踢波特別叻，原來有錢就得，仲要捨得使先得。唉，咁又公平咩，運動唔係要宣揚大愛同和平...

光速吸金

最近，今季降至英冠的史雲斯，搶錢手法備受非議，皆因被揭發向球僮收取478鎊，約為4800港元，僅低於3支英超球隊，遭英國消費者機構點名抨擊。計計數，短短幾分鐘的光榮之旅，足以讓港人去一次短線旅遊，值唔值真係仁者見仁，但史雲斯聲稱已經因降班而減價，但一生一次難忘的經驗，被粉絲改為「一生一次受難的經驗」。

通常嚟講，球隊會話「球僮」角色是傳遞正面訊息，例如反歧視、和平、真善美、反暴力以至薪火相傳等；對球僮而言，有機會接觸到偶像，甚至走進愛隊的主場，有助增加對球隊的歸屬感。可是，高昂的收費有點兒荒謬，難道基層小朋友就不無資格做球僮嗎？曾幾何時，球僮本身是對忠心粉絲的回報，亦是給青年軍曝光的機會。

最平千八

英超球僮價格出爐，動輒2000港元以上，明屈暗搶，搶錢之最是愛華頓，每場盛惠7100多港元，之後是7000港元的韋斯咸和接近6000港元的李斯特城。果然，世上沒有免費午餐，任何仁都可成為做球僮，幾分鐘搵幾千蚊，好賺過「倫敦金」，習慣自J的巴打只會一笑置之。

最貴三隊非勁旅，要鬧的熱刺居然收取4000港元，排名第4位，狼隊、水晶宮、白禮頓、般尼、富咸、卡迪夫城到屈福特就收取3900至2500港元，最便宜的般尼茅夫則收1800港元。幸好，目前英超仍有良心球隊，值得讚是有真強隊之風是車路士、曼城、曼聯、阿仙奴和利物浦，加上紐卡素、修咸頓和榜尾的哈德斯菲爾德堅持分毫不收。

附送波衫

話說回來，如果自己細路真係鍾意想做，父母都會甘心課金，最後要說，價值幾千蚊的「球僮之旅」，也非單純入場兜一圈，其實還有其他附帶福利。以史雲斯為例，球僮會獲得童裝波衫、一張由隊長簽名的證書、一本比賽場刊、與吉祥物合照，以及4張西看台波飛，呢到都價值連城。

除此之外，包括球僮在內，共有4張熟食自助餐飲食券，只適用於場內專用餐廳，並可在同一餐廳內以優惠價購買更多飲食券。半場休息時，球僮可操刀12碼，守門的是吉祥物，感受一下落場射波的快感。老老實實，很多球星小時候都做過球僮，前曼聯隊長朗尼是其中之一，但英超門票高企，也要把球迷當成消費者，實在令人看不過眼，可怒也！