Z世代，即1995至2000年後出生的年輕一代，逐漸走出校園步入社會工作。有求職網站調查指，Z世代求職時，除了人人都視為最重要的薪金之外，排第二位的是work-life balance。又係既，有幾多打工仔真係做緊自己感興趣的工作？唔講心，就梗係講金、講生活啦。咁除此之外，Z世代打工還求甚麼呢？

事業發展機會

根據求職網站的調查，Z世代都會緊張事業發展機會。請留意，是事業發展機會，並非晉升機會，代表Z世代求職時不求在同一間公司打一世工，而是視每一間公司為自己發展事業的踏腳石，適當時候就要跳槽爭取更好待遇。

五天工作

既然Z世代追求work-life balance，相信五天工作係必然之選吧。廿年前的打工生涯，大部份公司都要員工在星期六返半日，如果有長短周(即隔周六開工半日)已經開心到不得了，一個月有兩個星期六不用返工，已心滿意足。

OT補水 / 補假

有時候趕死線，或遇上旺季，一日做足8、9個鐘，都真係做唔晒，OT係在所難免。但有錢使得鬼推磨，如果公司有OT補水或補假，相信Z世代都不會太計較。

公司位置交通方便

唔好以為公司地點冇所謂，你試過每日來回花三小時在交通上，就明白這種苦況。除非公司與自己屋企很相近，否則Z世代都希望公司在旺區如中環、尖沙咀、旺角等，一來交通便利，更重要是放工去玩夠晒方便。

舒適工作空間

有誰想每日都擠在窄少、污濁的空間工作？日日返工都想拿拿臨放工啦。寬敞、清潔的工作環境其實十分重要，Z世代會更樂意留在辦公室工作。

任飲任食pantry

唔好睇少pantry，這是員工充電、休息的場所，如果有大量飲品如咖啡、茶、汽水，以及無盡的零食、餅乾、杯麵供應，在辛苦工作之餘真係有點安慰。