{ SKIP }
文:傑克  圖:互聯網
POSTED ON 19 Apr 2019

片睇過,記者會睇過,各媒體、KOL的評論也一一看過,連花生也剥到一地都係。但係,唔好睇完笑完鬧完就算,經過幾日的沉澱,看官們又從這宗事件學到甚麼呢?

天堂地獄一線差

片段所見,一直都是女方採取主動,又攬又咀又挨又擒,男方面對如此誘惑,其實已經好克制,沒有主動回應,可惜都足以判死刑。如果男方當日稍為清醒,稍為有危機意識,面對微醉嬌娃的主動挑逗,能夠冷靜地推開對方,阻止對方做苟且之事,甚至乎摑醒對方,男方就立即可升級為好男人、暖男,而非現在的賤男、壞男,可想而知,一個決定,足以致命。

野可以亂食,婚唔好亂結

講真,哪個男人不好色?哪個男人不貪新?所謂有食唔食,罪大惡極。男方最大罪唔係亂食,唔係偷食,係背叛。男方與太太離離合合多年,終於收成正果踏上婚姻之路,而婚姻是神聖的,一字婚書唔係簽個名就算,係一種承諾一種責任,男方如果明知自己未有能力守承諾負責任,當初就不應該結婚,沒有結婚的偷食,罪行輕好多。

小心駛得萬年船

一係唔做,一做就要做盡,既然選擇偷食這條路,就應該做足防範措施,如果一世都沒有被揭穿,將這段不倫關係帶埋落棺,相信被蒙在鼓裡的另一半也不會介意。這對飲食男女這次密會,相信絕非首次,但為何這次這麼不小心?在車廂中已經忍不到要做出親暱行為?其實即使片段沒有流出,司機都睇晒成個過程,作為慣犯,真係無理由犯這低級錯誤。

種甚麼因得甚麼果

出得黎行,就預左要還。因此,這對痴男怨女應該不會沒想過有此一朝吧?唔係一次半次的酒後糊塗,係行埋幾年的偷情事件,女的更有機心到與男方的另一半成為朋友,登堂入室。每個人做任何事之前,都必須要清楚知道會帶來甚麼後果,就算今世唔使還,下世都走唔甩呀!

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023