{ SKIP }
文:傑克  圖:互聯網
POSTED ON 10 Jul 2019

多得特首,壽終正寢一詞突然成為潮語。其實壽終正寢帶有死得安詳、舒服、死得好的意思,是正面的詞語,說人家壽終正寢,是讚美,死不瞑目、死無全屍等才是說鬧人的說話。所以,要做到壽終正寢,真係唔容易。

臨終前別讓人煩擾

很多人都希望百年歸老時,能夠死得痛痛快快,一閉上眼就離開,最怕死前在病床上病到生不如死,除了自己辛苦,也害苦身邊人要花時間精神照顧自己。在世者平日生活已經多煩惱,既然自己都不久於人世,最好不要帶給任何人麻煩,搞到幾百萬人每個星期要上街,又點會係死得好。

死後不要留低一大堆屎

人死了就一了百了,以後毋須理會人世間的事,可真死得爽快,但如果死後留低一大堆麻煩要身邊人執手尾,就真係唔得你死。例如死者生前原來欠落一身債,死後親人被迫要幫手還債,又或者生前搞到好多年青人要衝,死後都仲要拉要鎖,咁點算壽終正寢?

 

留低好事幫到後人

要讓後人覺得你死得好,永遠掛念你,最好當然是留低一些好事給後人。最簡單是留低一大筆遺產,可以幫助後人發展事業,改善生活,或者留低一些理念、價值觀,讓後人獲得啟發,從此努力創建未來,但死後都仲要搞到後人擔驚受怕,唔知你幾時起死回生,就係死得無價值。

打理好身後事

最佳離開人世的做法,當然是死前安排好晒身後事,例如一早講明死後儀式,唔使後人頻撲,立定平安紙,將遺產分配妥當,否則搞到親人為了爭遺產而對薄公堂,反目成仇,又或者搞到社會無法安寧,人心惶惶,就真係死左都要害人喇。

//賺人仔未必很難,但賺得走都要有命享。阿根廷前鋒拿維斯(Ezequiel Lavezzi)人老精鬼老靈,就做了個好例子,來華4季,輕鬆帶走6億人仔,早前球隊最後一場主場比賽完結馬上掛靴,最識玩都是你!// ...
powerandmoney
玄火 - 幸福的拿維斯 賺6億即掛靴
06 Dec 2019
正所謂聖人都有錯,那世間上有甚麼人是比聖人更厲害,永遠不會犯錯?就是懂得巧妙地將錯事推卸,讓自己永遠立於不敗之地的人。
powerandmoney
傑克 - 做錯卸膊四式
04 Dec 2019