十個打工仔，有九個都係為生活而工作，無論工作幾咁苦悶、上司幾咁衰、公司幾咁刻薄，打工仔都會照忍。但香港人實在忍得太耐了，既然今時今日大家都肯行出來爭取公義，打工仔係咪都係時候要行出來爭取番自己的人生呢？

我同公司高層政治立場不同

很多普羅大眾打工仔都會說自己不理政治，只想搵食，但事實證明了你不搞政治，政治都會以不同形式找上門，可能某一天你會發現你老細或上司，與你的政治立場各走極端，為他效勞實在生不如死，如其日日在公司聽他的連篇廢話，自己要掩耳盜鈴地工作，何不灑脫地一走了之，痛快的和他割蓆？

我唔想再啞忍人渣公司

以往，很多打工仔為生活真係可以咩都啞忍，晚晚超時OT、人工有減冇加、遲一分鐘扣人工、被上司當工人咁用等等等等，打工仔唔敢出聲，又唔敢離開，怕經濟環境差，好難搵到另一份工。但香港人實在被剝削夠了，唔出聲只會俾人踩上心口，面對不公平的現象，反抗不來，也不要助長啊！

我想全身投入去做更有意義的事

近兩個月，相信很多打工仔都沒法全心全意工作，輕微者會經常留意社交網絡，希望獲取第一手資訊，更投入的甚至會經常請假，親身參予每一次活動，盡自己每一分力。既然早已將個人利益放下，對工作失去了熱誠，不如暫且放下俗世的價值，全心全意全力為歷史幹一番大業，起碼令自己將來不會後悔沒有去做。

我唔想浪費時間再做些無謂事

或者仍然有很多人未必好熱衷於政治活動，但經過這兩個月的思考，相信大家都應該認同，人生唔應該再浪費時間做不值得做的事。十個打工仔，點解九個做得不開心？因為他們在浪費時間做些不感興趣的事，不如跟自己坦白一次，忠於自己一次，不要被世俗枷鎖綁住，隨心的離開，尋找自己真正的方向。