英超球隊利物浦今季狀態可以話係全歐洲之冠，甚至接近去到無敵狀態，英超26戰錄得25勝1和，歐聯亦順利殺入16強。不過昨晚歐聯戰線重開，利物浦首回合作客面對馬體會最終以0:1不敵對手，進入2020年後終於嚐到首敗。

作客馬體會，利物浦控球率達到73%，理論上應該係控制全局，但面對馬體會防線利記三叉戟完全發揮唔到作用，全場雖有8次射門卻沒有一球中龍，相反馬體會7次射門2次中龍，並由沙奧於早段取得嘅入球，成功以1:0小勝利物浦。

今場落敗後，利物浦於2020年嘅不敗戰績正式作結，佢地於不敵馬體會前錄得9勝1和戰績。雖然首回合落敗對於利物浦黎講仍然係唔細嘅打擊，但始終次回合將會回歸晏菲路球場出戰，只要調整狀態相信高普嘅利物浦仍然有好大機會逆轉晉級八強的。

今季利物浦狀態大勇，於英超領先第二位嘅曼城多達25分，因此冠軍基本已成囊中物，而作為歐聯衛冕之師，如果利記可以成功衛冕，咁樣佢地將會帶領球隊達到隊史巔峰高度。