呢幾個星期有關Converses嘅潮流新聞可謂一浪接一浪，而且每一個浪都唔係小兒科！首先有同經典日牌X-LARGE聯名嘅 100 SLIP HI 鞋款，低調將 X-LARGE 嘅猿人 Logo 植入星章當中，且以防水料打造；其次就有同 Converse 好好朋友嘅 JW Anderson 宣佈以毛氈面料作鞋身材料，部分配色更以三色組合撞色作設計嘅 Converse x JW Anderson Felt 系列。

當然最為香港各方潮人吹捧嘅，就係繼 "The TEN" 系列後，Off-White 再次同 Converse 聯手打造嘅 Off-White™ x Converse Chuck 70。上次就以透明面料作設計重心，今次就回歸 Off-White 老本行——以其標誌性嘅警告用斜間作重點，放喺中底上。前後兩對嘅共通點除咗同樣出自 Vilgil 手筆外，仲有一樣就係都係咁難 Carry。

以上都係近期 Converse 嘅聯名新聞，但佢自身嘅出品有無新設計？答案顯然係有，而且設計同樣出眾。

呢一對新嘅 Converse Chuck Taylor All Star，個名就叫 “Manypatch”，直譯就係好多拼貼，而事實都一樣係。鞋身充滿 Converse 十分 Classic 同標誌性嘅星章，而且係一個疊一個咁樣嘅 Print。雖然只係 Print Patch，但係設計上十分破格，視覺效果亦應拎到高分。